43 fouten voor winnaar Thools dictee

Ruim twintig deelnemers schreven vrijdagavond in Oud-Vossemeer het dictee met als thema Flupland (Sint Philipsland) vò de Ramp.

Omdat in de gemeente Tholen nog verschillende dialecten worden gesproken, was er dit jaar volgens de organisatie gekozen voor het 'Algemeen Beschaafd Fluplands'. Het dictee werd geschreven door Anja Neele.

Tweede werd Omroep Zeeland presentator Corneel Droogers. Hij maakte 44 fouten.

Het Thools dictee 2012:

1.       Flupland vò de Ramp.

2.       D’r is de lesten tied vee te doe gewist over de weegbrugge van Flupland en dat is te begriepe, want die mò bluuve.

3.       ’t Is een herinneriengspunt dat à bie Flupland ‘oôrt.

4.       Vlakbie de weegbrugge ‘ao je ’t pak’uus, daer wier graen, aerepels en kunstmis opgesloge.

5.       Een jaer of wat geleeje ‘eit ‘r oak spraeke van gewist à de kaoie geslote zou woôre.

6.       Je mot ‘r toch nie an dienke à dat zou gebeure.

7.       Vroeger reeje de boerewaegens of en an mee suukerpeeën, aerepels en graen.

8.       Alles wier mee d‘and gelost, zwaer werk was dat ‘oô.

9.       In die jaeren stonge d’r op d’n Oôsdiek een ‘eêle rij ‘uuzen en oak wat wienkeltjes d’r tussen.

10.   ’t Eêne ‘uus mee de voordeure nae d’n diek, mè d‘r waere oak ‘uuzen daer à je vanaf d’n Dulf in most.

11.   Wienkeltjes waere d’r in ’t ‘eêle durp te vinde, soms zomè in een ziekaemertje of een achter’uusje.

12.   Op de Voorstraete, dae weunden j’ op stand.

13.   Dae was oak café de Druuvetros, d’ontmoetiengsplekke vò de riekere mensen.

14.   Vlakbie de meule stong ’t wachtje, noe is dae ’t ouwemannekotje.

15.   In ’t Karreveld weunden d’ errebeiers.

16.   Achter d’ uuzen stonge de vaerekeskoten en de plee was oak buuten.

17.   ’t Was een gemoedelijk buurtje, de mensen ‘ielepe mekaore à ’t noôdig was.

18.   Vanaf ’t Schooldreefje nae de Voorstraete was een prachtig laentje, ’t Kerkdreefje wier dat genoemd.

19.   Meziekverênigieng Concordia, die à dit jaer ‘onderdentien jaer bestaet, speelden daer mee Konehinnedag
op de meziektente.

20.   De weegbrugge woôr opgeknapt en daer bin me op Flupland blie mee.